Die LUR vir Samewerkende Regering, Menslike Nedersettings en Tradisionele Sake (CoGHSTA) in die Noord-Kaap, Bentley Vass, het saam met die Burgemeester van die Hantam Plaaslike Munisipaliteit, Raadslid Koos Alexander, en Raadslid J. Wildschut titelaktes aan begunstigdes van die Loeriesfontein 307 Behuisingsprojek oorhandig.
Die oorhandiging het Maandag, 21 Junie 2026 plaasgevind in Loeriesfontein in die Hantam Munisipaliteit, geleë in die Namakwa-distrik.
Tydens sy gesprek met die begunstigdes het Vass die belangrikheid van titelaktes beklemtoon.
Hy het gesê dat dit veel meer as net ‘n stuk papier verteenwoordig.
Volgens Vass herstel titelaktes menswaardigheid, verseker dit ‘n nalatenskap vir toekomstige geslagte en ontsluit dit geleenthede vir ekonomiese bemagtiging.
Hy het inwoners ook ingelig dat die Departement ‘n paneel van oordragbesorgers aangestel het wat vir die volgende vyf jaar saam met die Departement sal werk om titelaktes regoor die Noord-Kaap te registreer en aan begunstigdes te verseker.
Vass besoek tans die Namakwa-distrik as deel van verskeie voorafgaande aktiwiteite voor die aanbieding van die CoGHSTA Begrotingspos 9 aan ‘n spesiale sitting van die Noord-Kaapse Provinsiale Wetgewer.
Die sitting vind môre, 23 Junie 2026, in Calvinia plaas.
