Die Noord-Kaapse Departement van Gesondheid se Namakwa-distrik betreur die afsterwe van twee toegewyde werknemers van die Martha Griffits Gemeenskapsgesondheidsentrum in die Richtersveld, mev. Kim Grace Smith en mnr. Samuel Mzwakhemi.
Mev. Smith het sedert 1 Februarie 2009 as apteker diens gedoen, terwyl mnr. Mzwakhemi sedert 1 Oktober 2018 as Gesondheidsfasiliteitsassistent werksaam was.
Albei het hul pligte met professionaliteit, deernis en toewyding uitgevoer en ‘n blywende bydrae tot die gesondheidsorg van die gemeenskap gelewer.
Die departement het hul innige meegevoel aan die families, vriende en kollegas van die oorledenes betuig en hul nalatenskap van diens, sorg en menswaardigheid geloof.
Volgens die departement sal hul bydraes en toewyding nog lank onthou word en bly hulle ‘n inspirasie vir almal wat hul werk in die gesondheidsdiens voortsit.
