Daar is iets besonders aan Hoërskool Okiep, en dit kom tot uiting in die skool se gesogte Noodhulp-leerders.
Vlak 1 en Vlak 3-leerders, opgelei deur Antie Fia van den Heever en die Nasionale Noodhulpskool (NPS), verrig hul dienste professioneel by ’n verskeidenheid geleenthede.
Die leerders het hul vaardighede getoon tydens die Noord/Suid Sone-atletiekbyeenkoms in Springbok.
Die skool het spesiaal versoek dat hulle by hierdie byeenkoms werk.
Hulle is ook gevra om die komende naweek hul dienste by die laerskool-atletiek te lewer en weer tydens die kampioenskappe op 21 Februarie.
Die skool beklemtoon dat hierdie leerders die gees van “Nihil sed Optimus” Net die beste beliggaam.
Hulle weerspieël die gees van Kiepie Die Arend, wat trots, deursettingsvermoë en omgee bo uitdagings stel.
Hoërskool Okiep bedank Antie Fia en die Noodhulp-leerders vir hul toewyding en vir die manier waarop hulle die skool tot hoër hoogtes bou.
