Vedanta Zinc International (VZI) het ’n uitnodiging gerig aan belangstellende maatskappye om deel te vorm van ’n vennootskap vir geïntegreerde fasiliteitsbestuur en ondersteuningsdienste by sy mynbedrywighede in die Noord-Kaap.
VZI, wat deel vorm van die internasionale hulpbronmaatskappy Vedanta Limited, bedryf onder meer Black Mountain Mining en die Gamsbergmyn in Aggeneys.
Die maatskappy fokus op sink- en loodproduksie en beklemtoon sy verbintenis tot verantwoordelike mynpraktyke en volhoubare ontwikkeling.
Volgens die maatskappy is die doel van die nuwe vennootskap om veilige, higiëniese en kostedoeltreffende bestuur van myn-, residensiële, ontspannings-, mediese en gemeenskapsfasiliteite te verseker.
Die projek sluit ook ondersteuning vir plaaslike verskafferontwikkeling, ESG-verpligtinge en bedryfsdeurlopendheid in.
VZI sê die primêre fokus van die inisiatief is om fasiliteitsdienste te standaardiseer, toesig en aanspreeklikheid te verbeter en werknemerswelsyn en myn-infrastruktuur te beskerm.
Belangstellende partye moet bewese ervaring hê in soortgelyke dienste binne die mynbou- en metaalsektor.
Vereiste dokumentasie sluit ’n maatskappyprofiel, registrasiedokumente, verwysings en bewys van relevante ervaring in.
Die sluitingsdatum is op die 10 Junie 2026. o
