Die ANC in Namakwa wil graag die Suid- Afrikaanse Polisiediens Namakwa-distrik geluk te wens met hul uitstaande prestasie as die beste presterende distrik in die land gedurende die eerste semester van die 2024/25 finansiële jaar.
Met 52 distrikte wat deel geneem het, is dit ‘n ongelooflike prestasie wat getuig van toewyding, harde werk, en ‘n diepgewortelde verbintenis tot die veiligheid van gemeenskappe.
Die ANC Namakwa Streeks Taak Span Sameroeper, mnr Mervin Cloete, en die hele ANC-gemeenskap wil hul opregte waardering uitspreek aan die Polisieraad, bevelvoerders, Gemeenskapsveiligheidsforums, en elke amptenare in blou.
“Julle harde werk en samewerking het Namakwa na die topposisie in die provinsie gebring, én as nommer een in die land. Hierdie prestasie is nie net inspirerend nie, maar ook ‘n trotse oomblik vir ons streek,” het Cloete gesê.
