Leerders van Hoërskool Concordia is Maandagoggend, 13 April 2026, toegespreek deur Pastoor Louw, ’n voormalige leerder van die skool en verbonde aan Faithful Ministries.
In sy boodskap het hy leerders aangemoedig om standvastig te wees, hul roeping te omarm en onder goeie invloed te leef.
Hy het die belangrikheid van opvoeding as ’n instrument vir bemagtiging beklemtoon en leerders aangemoedig om wysheid na te streef.
Met verwysing na Paulus se bediening, het hy leerders aangespoor om onder die “skaduwee” van hul onderwysers te skuil en gehoorsaamheid na te streef.
Tydens dieselfde byeenkoms is akademiese prestasies erken, met leerders wat in die eerste kwartaal uitgeblink het, sowel as deelnemers aan die Wiskunde Olimpiade.
Sertifikate is aan graad 8 tot 12-leerders oorhandig vir hul deelname aan die eerste rondte.
Twee leerders, Jayden Raymond en Tasneim Mady, het na die tweede rondte deurgedring.
Die skool het ook Jayden Rooi gelukgewens met die voltooiing van sy graad, en Gavian Cloete terugverwelkom.
Die skoolgemeenskap het hul trots uitgespreek oor leerders se deelname en toewyding tot akademiese uitnemendheid.
