Die Namakwa Distriksmunisipaliteit het sy derde werkswinkel vir die validering van die konsep Plaaslike Ekonomiese Ontwikkeling (POE)-strategie in Pofadder aangebied.
Die sessie het belanghebbendes van regoor die Khâi-Ma Munisipaliteit byeengebring om insette te lewer oor die ontwikkeling van ‘n strategie wat ekonomiese groei, werkskepping en die versterking van plaaslike ondernemings bevorder.
Die werkswinkel is deel van ‘n samewerkingsinisiatief tussen die Namakwa Distriksmunisipaliteit, die Departement van Wetenskap, Tegnologie en Innovasie (DSTI), Sol Plaatje Universiteit, die Tegnologie-innovasie-agentskap (TIA), die Suid-Afrikaanse Plaaslike Regeringsvereniging (SALGA), die Noord-Kaapse Departement van Ekonomiese Ontwikkeling en Toerisme, asook ander vennote onder die Innovasiekampioene vir Plaaslike Ekonomiese Ontwikkeling (IC4POE)-program.
Tydens die werkswinkel is die konsep-POE-strategie aan deelnemers voorgelê, met klem op sleutelintervensies om beleggings te bevorder, werksgeleenthede te skep en plaaslike ekonomiese ontwikkeling in die distrik te versnel.
Deelnemers het daarna aan groepbesprekings deelgeneem waar hulle praktiese aanbevelings en terugvoer gelewer het om die konsepstrategie verder te verfyn.
Volgens die munisipaliteit sal hierdie insette help om te verseker dat die finale strategie plaaslike behoeftes aanspreek en ‘n inklusiewe, volhoubare ekonomie vir die Namakwa-distrik ondersteun.
