Die Noord-Kaapse LUR vir Gesondheid, mnr Maruping Lekwene spreek sy dankbaarheid uit vir die oorweldigende ondersteuning en wense van die publiek na die vertrek van 10 mediese studente om medies in Kuba te studeer.
Die mediese studente het veilig aangekom en is deur die Gesondheidsattache by die Suid-Afrikaanse Ambassade, Dr Mandela, saam met die Kubaanse Universiteitsamptenare ontvang.
Daar word van die studente verwag om hul eerste fase van opleiding wat bestaan uit Spaanse Taalkursus te onderneem en later in die werklike mediese wetenskappe te artikuleer en dit sal ‘n tydperk van ses jaar dek.
Verder sal hulle blootgestel word aan verskeie dissiplines van medisyne wat hoofsaaklik op voorkomende medisyne gerig is, waarvan die primêre fokus die bevordering van primêre gesondheidsorg is.
Die strategiese oriëntasie van hierdie benadering is veral in lyn met die huidige kliniese benadering in terme van die bevordering van ‘n mensgesentreerde, toeganklike en aanvaarbare gesondheidsorg.
“Ons wens ons jong mediese rekrute alles van die beste toe en dat hulle uiteindelik sal verseker dat hierdie visie wat deur die wyle vooraanstaande en geleerde staatsmanne, mnr Nelson Mandela en Fidel Castro voorgestaan word, verwesenlik word.”
