Die lid van die Uitvoerende Raad (LUR) vir Korporatiewe Bestuur, Menslike Nedersetting en Tradisionele Sake (COGHSTA) en ook die nuut aangestelde LUR vir Vervoer, Veiligheid en Skakeling, mnr Bentley Vass, vergesel deur die Ministeriehoof by COGHSTA, mnr Mayenzeke Mbekushe en die Departementshoof by Vervoer, Veiligheid en Skakeling, mnr Rodney Pieterse en Senior Bestuur van DTSL het die Provinsiale Kommissaris van die Noord-Kaapse SAPD, Luitenant-Generaal Koliswa Otola haar Adjunk Provinsiale Kommissarisse, Provinsiale Hoofde, Distrikskommissarisse, Provinsiale Hoofde en Stasiebevelvoerders ontmoet op Donderdag, 04 Julie 2024 by die SAPD Provinsiale Kantoor in Kimberley.
Die Voorsitter van die Provinsiale Polisieraad, Mnr Tebogo Molapo en die Adjunk Provinsiale Sekretaris, Me Helen Jack het ook die ontmoeting en groetsessie bygewoon.
Die HOD vir DTSL mnr Rodney Pieterse het die nuutverkose LUR, mnr Bently Vass, formeel aan die deelnemers by die inligtingsessie voorgestel.
LUR Vass het in sy toespraak die sessie met die Provinsiale Kommissaris en haar Bestuur en die Gemeenskapspolisieraad waardeer en gesê dat ons die pogings moet verdubbel aangesien daar ‘n verantwoordelikheid is om misdaad gesamentlik te bekamp en ‘n tasbare verskil in die lewens van mense in die Noord-Kaap.
Hy het ook aangedui dat misdaad in die provinsie ’n prioriteit is en alle departemente, gemeenskappe en die private sektor moet aktief betrokke wees en aan misdaadbekamping deelneem.
Sekere bekommernisse is deur die LUR uitgelig en sal deur die polisiebestuur aangespreek word.
Hy het herhaal dat korrekte inligting met gemeenskappe gekommunikeer moet word en die moraal van SAPD-werknemers moet aangespreek word en lede moet voel dat hulle ‘n verskil in die lewens van die inwoners maak.
Die provinsiale hoof van organisasie-ontwikkeling en strategiese bestuur, brigadier Merle Coghlan het die provinsiale profiel van die SAPD aangebied, gevolg deur die aanbieding van die misdaadoorsig deur kolonel Karen Peters van die provinsiale misdaadregistrateur.
LUR Bentley Vass het in sy reaksie op die voorleggings gesê dat hy van voorneme is om te fokus op die bekamping en voorkoming van kontakmisdade, eiendomsverwante misdade, middelverwante misdade en onwettige mynbou in die provinsie en om sterker verhoudings met ons gemeenskappe te versterk en te bou.
Die Voorsitter van die Gemeenskapspolisieraad, mnr Tebogo Molapo het LUR Vass verwelkom en gelukgewens met sy aanstelling en het belowe om volle bystand en ondersteuning van die GPF-struktuur te verleen en beklemtoon die belangrikheid van vennootskapspolisiëring om kriminele aktiwiteite in die provinsie te ontwortel en te bekamp.
Die sessie is afgesluit met slotopmerkings deur die HOD, mnr Rodney Pieterse en luitenant-generaal Koliswa Otola.
Navrae:
Lt Kol Sergio Kock
