Die Noord-Kaapse departement van onderwys is bewus van die kommer wat deur die skoolgemeenskap van Laerskool Rooiwal geopper word aangesien dit verband hou met gebrek aan dissipline, disfunksionaliteit van die skooladministrasie en die afwesigheid van die skoolhoof.
Die Noord- Kaapse Departement van Onderwys het bevestig dat die Namakwa-distrikskantoor het dadelik ingegryp en die skool op Maandag, 15 Julie 2024 besoek om met die Skoolbeheerliggaam en bekommerde ouers te vergader.
Die Skoolhoof is weens mediese redes afgeboek vanaf 22 April tot 30 Junie 2024. Gedurende hierdie tydperk is ‘n plaasvervanger-opvoeder aangestel.
‘n Tweede mediese sertifikaat is ontvang, wat die siekverlof van die Skoolhoof verleng tot 21 Julie 2024.
Die Departement verskaf slegs plaasvervangende opvoeders vir ‘n tydperk van 4 weke en meer.
‘n Kurrikulumherstelplan sal ontwikkel en geïmplementeer word vir die 9 dae wat verlore gaan om te verseker dat geen leerders se akademiese prestasie negatief beïnvloed word nie.
“’n Multidissiplinêre span, wat Vakadviseurs insluit, sal die skool op 26 Julie 2024 besoek vir verdere ondersteuning en om die opvoeders en ouers te betrek,” het Geoffrey van der Merwe, woordvoerder van die departement gesê.
Onderrig en leer het vanaf 16 Julie 2024 soos normaal voortgegaan.
