Van 1 tot 3 April 2025 het Vedanta Zinc International (VZI) hul eerste Veiligheidsdag gehou by hul Deeps-, Gamsberg- en VZI Projects-bedrywighede.
Die driedaagse inisiatief het nie net hul verbintenis tot die beginsel van “Zero Harm” beklemtoon nie, maar ook ‘n ruimte geskep vir werknemers, leierskap en vennote om hulde te bring aan kollegas wat hul lewens verloor het in diens van die maatskappy.
Onder die tema “REMEMBRANCE TRIBUTE: HONOURING OUR OWN,” is die program geëindig met ‘n stil gebed, ‘n oomblik van stilte en die simboliese aansteek van kerse.
Hierdie gebare het getuig van die maatskappy se empatie en respek vir sy mense, en het die toon aangegee vir die res van die week se aktiwiteite.
Belangrike gaste wat die gebeurtenis bygewoon het, het ingesluit Mnr. Clifton Louw, voorsitter van die National Union of Mineworkers (NUM), Mnr. Tumelo Mateta, hoofinspekteur van myne in die Noord-Kaap, Mnr. Jacques van Tonder, uittredende bedryfshoof van VZI, Mnr. Vijay Kumar, VZI se adjunk-uitvoerende hoof, en Mnr. Chris Griffith, uitvoerende hoof van Vedanta Base Metals.
In sy toespraak het mnr. Kumar klem gelê op die belangrikheid van individuele verantwoordelikheid in veiligheidskwessies: “Die enigste manier waarop ons ons geliefdes kan belowe dat ons veilig sal terugkeer huis toe, is deur die regte ding te doen en toe te sien dat ons kollegas dieselfde doen.”
Mnr. Griffith het bygevoeg: “Kom ons maak veiligheid ons nalatenskap. Laat toekomstige geslagte terugkyk na ons as die span wat ‘n verskil gemaak het.”
Die geleentheid is afgesluit met ‘n formele veiligheidsbelofte, wat herbevestig het dat veiligheid nie net ‘n korporatiewe vereiste is nie, maar ‘n morele verpligting teenoor mekaar.
VZI glo dat veiligheid ‘n gedeelde verantwoordelikheid is, waar elke werknemer bemagtig is om aksie te neem, van gevaaridentifikasie tot ondersteuning van kollegas.
Hierdie Veiligheidsdag het nie net ’n daadwerklike bewustheid gekweek nie, maar ook ’n stewige fondament gelê vir die nuwe finansiële jaar.
By VZI is veiligheid nie bloot ’n protokol nie, dit is ’n kultuur en saam bou hulle voort aan ’n werksomgewing waar elke werknemer die waarborg het om veilig terug te keer huis toe.
