Ten spyte van ’n yskoue oggend in die Vierkant van Hoërskool Concordia op Maandag, 02 Maart 2026, het leerders en personeel met entoesiasme saamgetrek vir die skool se oggendbyeenkoms, wat deur Graad 10B waargeneem is.
Al was die oggendlug skerp, het die boodskap van die dag vir warmte en inspirasie gesorg.
Die gasspreker, oom Bonnie van Blommetjies, het ’n besondere boodskap uit die Bybel met die leerders gedeel.
Hy het getuig hoe hy self eens ’n leerder van die skool was en op die harde manier moes leer hoe belangrik dit is om verantwoordelike en wyse besluite te neem.
Sy kernboodskap aan die leerders was om opvoeders te respekteer, teregwysing ernstig op te neem en deurgaans op koers te bly deur goeie keuses te maak.
Tydens die byeenkoms is sportprestasies ook erken.
Atlete wat by die onlangse aflosbyeenkoms uitgeblink het, is vereer, terwyl die krieketspan gelukgewens is met hul sterk vertoning.
Die span het verlede week hul seisoen op ’n hoë noot afgesluit deur hul laaste wedstryd teen HSN te wen.
Met die toetsreeks wat binnekort begin, is leerders aangemoedig om gefokus en vasberade te bly.
Die skoolgemeenskap spreek trots uit oor elke leerder se prestasies en sien uit na ’n suksesvolle en geseënde week.
