Die Noord-Kaapse LUR vir Landbou, Omgewingsake, Landelike Ontwikkeling en Grondhervorming, Lebogang Motlhaping, het Woensdag die departement se Begrotingspos 12 vir die 2026/27-boekjaar ter tafel gelê.
Die begroting fokus op die versterking van landbou-ontwikkeling, ondersteuning aan boere, voedselsekerheid, landelike ontwikkeling, omgewingsbewaring en volhoubare grondgebruik.
Altesaam agt programme sal uit die begroting befonds word, met die grootste toekenning van R270 miljoen aan Program 3 vir Ondersteuning en Ontwikkeling van Landbouprodusente.
Motlhaping het gesê die begroting weerspieël die departement se verbintenis tot deursigtigheid, verantwoordbaarheid en openbare deelname.
Volgens die departement sal die beplande beleggings dienslewering verbeter, landelike ekonomieë versterk en inklusiewe groei bevorder, terwyl gemeenskappe regoor die Noord-Kaap voordeel trek uit volhoubare ontwikkelingsprogramme.
