Waterbergingsvlakke in die Noord-Kaap het vandeesweek gemiddeld 74,9 persent bereik, vergeleke met verlede jaar hierdie tyd toe watervlakke op 83,7 persent gestaan het.
Die Departement van Water en Sanitasie het op 20 September sy weeklikse verslag oor die status van waterreservoirs in die Noord-Kaap vrygestel en dit verklaar dat vlakke effens gestyg het vanaf verlede week se 73,8 persent.
‘n Woordvoerder van die Departement van Water en Sanitasie, Dr Mandla Mathebula, het gesê die Vaalrivier het van verlede week se 74,5 persent tot 73,8 persent gedaal, terwyl die Oranjerivier van verlede week se 82,6 persent tot 81,7 persent gedaal het.
“Vanderkloofdam, geleë tussen die Vrystaat en Noord-Kaap provinsies, staan hierdie week op 98 persent. Verder het die Douglas-stoorwal in die Vaalrivier hierdie week ‘n oplewing ervaar met 107,3 persent,” het Mathebula gesê.
Mathebula het gesê dat waterberging in die Namakwa-distriksmunisipaliteit sedert verlede week op 35,1 miljoen kubieke meter gebly het.
“Boegoebergdam in die Oranjerivier staan op 82,8 persent”
“Pixley ka Seme-distrik het waterbergingsvlakke van 93,6 miljoen kubieke meter vergeleke met verlede week se 92,5 miljoen kubieke meter.
“Frances Baard-distriksmunisipaliteit het verlede week effens afgeneem in waterberging van 68,9 miljoen kubieke meter tot 67,7 miljoen kubieke meter.”
Mathebula het watergebruikers versoek om gebarste en lekkende pype reg te maak en boorgate gereeld te monitor om watervoorrade te bespaar.
