Die multidissiplinêre span van Operasie Vala Umgodi in Kleinzee het op Maandag, 10 Junie 2024, tesame met Namakwa Distrik Sigbare Polisiëring en Departement van Binnelandse Sake toegeslaan op verskeie plekke om onwettige mynaktiwiteite en ander verwante misdade aan te spreek.
Die intelligensie-gedrewe operasie is in die vroeë oggendure uitgevoer wat die geïdentifiseerde brandpuntgebiede in Kleinzee geteiken het.
Die span het beslag gelê op vyf sakke met moontlike diamantdraende gruis, gereedskap en ‘n 57-jarige Suid-Afrikaanse man in hegtenis geneem vir onwettige mynbou.
“Die operasie het gelei tot die inhegtenisneming van sewe-en-twintig (27) ongedokumenteerde persone wat twaalf (12) Zimbabwiese burgers tussen die ouderdomme van 28 en 50 jaar oud, twaalf (12) Lesotho-burgers tussen die ouderdomme van 26 en 58 jaar oud en drie ( 3) Mosambiekse burgers tussen die ouderdomme van 17 en 40 jaar oud. Die verdagtes sal na verwagting binnekort in die hof verskyn,” het Noord- Kaapse polisiewoordvoerder Sersant Molefi Shemane gesê.
