Die Suid-Afrikaanse Polisiediens Operasie Vala Umgodi-span, in samewerking met die Suid-Afrikaanse Nasionale Weermag Sektor 3 en Noord-Kaapse Bataljon Gesamentlike Taakmag, is ontplooi om die onwettige mynbedrywighede in die Namakwa-distrik aan te spreek.
Die span het gesamentlik skooldrag aan leerders by die Kleinzee Gekombineerde skool geskenk op Vrydag, 05 April 2024.
“SAPD-lede onder die ondersteuningsbevel van luitenant-kolonel Monwabisi Qunta en die Suid-Afrikaanse Nasionale Weermag onder die bataljonbevel van luitenant-kolonel Tuelo Kgaje het skoolskoene vir een-en-veertig (41) laer- en sekondêre skoolkinders gekoop,” Sersant Molefi Shemane, polisiewoordvoerder gesê.
Die span het ook toiletware en sanitêre handdoeke aan die leerders geskenk.
Die Noord-Kaapse provinsiale kommissaris luitenant-generaal Koliswa Otola het die lede geloof vir hul vrygewige en onbaatsugtige gebaar.
Sy het ook erkenning gegee aan hul voortgesette pogings om onwettige mynbou en verwante misdade in die distrik aan te spreek asook om te reageer op die sosiale behoeftes van die gemeenskapslede en om verhoudings tussen die polisie en die gemeenskappe te versterk en te verbeter.
