Die streekhof in Kimberley het twee mans tot onderskeidelik agt en tien jaar direkte gevangenisstraf gevonnis nadat hulle op Woensdag 3 April 2024 skuldig bevind is aan gewapende roof en die onwettige besit van vuurwapens en ammunisie.
Sersant Merapelo Pilane, ‘n polisiewoordvoerder het bevestig dat op Sondag 20 November 2022 het die 36-jarige Relebogile Seshego, en die 26-jarige medebeskuldigde, Katlego Phukuntsi, ‘n juwelierswinkel by die Diamond Pavillion Mall binnegegaan en die winkelwerknemers met ‘n vuurwapen gedreig en beroof van juweliersware, selfoon en ‘n onbekende bedrag geld.
Die twee is gesien hoe hulle in ‘n wit Toyota-starlet van die toneel vlug, die polisie is gewaarsku en het vinnig gereageer, albei verdagtes is suksesvol opgespoor en op dieselfde dag in hegtenis geneem.
“Die saakdossier is aan sersant Eunice Ngono van die provinsiale ondersoekeenheid vir ernstige en gewelddadige misdade oorhandig, wat borgtog suksesvol teengestaan het, en deur haar noukeurige ondersoek het albei beskuldigdes uiteindelik skuldig gepleit op alle aanklagte, en is skuldig bevind soos aangekla,” het ‘n polisiewoordvoerder Sersant Merapelo Pilane gesê.
Pilane het gesê dat Relebogile Seshego is gevonnis tot tien jaar direkte gevangenisstraf, vir roof met verswarende omstandighede, en ‘n verdere twee jaar vir die besit van ‘n ongelisensieerde vuurwapen en ammunisie wat heeltemal opgeskort is vir ‘n tydperk van vyf jaar, terwyl Katlego Phukuntsi tot agt jaar gevangenisstraf gevonnis is op dieselfde aanklagte.
Beide beskuldigdes is ingevolge die Wet op Vuurwapenbeheer ongeskik verklaar om ‘n vuurwapen te besit.
Die waarnemende provinsiale kommissaris van die Noord-Kaap, generaal-majoor Luntu Ngubelanga, het die ondersoekbeampte geloof en die vonnisoplegging verwelkom en die gemeenskap verseker dat die polisie sal voortgaan om sy hulpbronne te gebruik om hierdie soort oortredings in die provinsie hok te slaan.
