Die Upington-distrikshof het vonnisse aan Xavier Roelf (26) en Joslin Visser (27) opgelê op aanklag van dwelmhandel.
Die vonnisoplegging het Maandag plaasgevind ná die egpaar se skuldigbevinding op 21 Maart ná ‘n lang verhoor.
Hulle was albei uit op borgtog van R2 000 elk tydens die verhoor.
Tydens die verhoor het van die beskuldigdes skuldig gepleit, terwyl ander skuldig bevind is as deel van die “Project Dumper”-ondersoek.
Roelf en Visser se arrestasies het tydens die Project Dumper-operasie plaasgevind.
Luitenant-kolonel Tebogo Thebe, Noord-Kaapse Valke woordvoerder, het gesê in Oktober 2023 het die Valke se Prioriteitsmisdaad-ondersoekspan en die Nasionale Vervolgingsgesag se Batebeslagleggingseenheid ‘n beslagleggingsbevel vir ‘n voertuig ter waarde van R43 380,65 suksesvol verkry.
Daar is beslag gelê op die voertuig omdat dit as ‘n instrument in die pleging van ‘n misdryf gebruik is.
Die hof het Roelf, geïdentifiseer as beskuldigde nommer een, tot vyf jaar direkte gevangenisstraf gevonnis, met twee jaar wat onder spesifieke voorwaardes vir vyf jaar opgeskort is.
Hy sal drie jaar in die tronk uitdien.
Visser, geïdentifiseer as beskuldigde nommer twee, het ‘n drie jaar korrektiewe toesigvonnis met voorwaardes ontvang.
Beide beskuldigdes is onbevoeg verklaar om ‘n vuurwapen te besit en hul dwelms is aan die staat verbeur.
Die provinsiale hoof van die Direktoraat vir Prioriteitsmisdaadondersoek in die Noord-Kaap, generaal-majoor Stephen Mabuela, het waardering uitgespreek vir die pogings van die ondersoek- en aanklaerspan om die vonnisse te beveilig.
