Die tema vir World Poetry Day 2023 is “Wees altyd ‘n digter, selfs in prosa.”
Hierdie bekende versreël deur die Franse digter Charles Baudelaire beklemtoon die belangrikheid van kreatiwiteit en skoonheid in alle vorme van skryfwerk, nie net poësie nie.
Wêreldgedigtedag word op 21 Maart gevier, en is in 1999 deur UNESCO verklaar, “met die doel om taaldiversiteit te ondersteun deur poëtiese uitdrukking en om die geleentheid vir bedreigde tale te verhoog om gehoor te word”.
Die Nasionale gedigte dag vind plaas op 1 Oktober 2023.
Ricardo “Ricky K” Kermis het ter viering van Wêreldgedigtedag ‘n gedig geskryf ter viering van Radio Nfm se uitstekende diens gelewer aan die gemeenskap vir die afgelope 19 jaar.
Radio Nfm Namakwaland se trots
Ons is trots
Oud en jonk
Nfm98.1 wat op elke draadloos altyd pronk
Een in sy soort
Wat in Namakwaland hoort
Moenie ophou nie, julle
Bou so voort
Vir alles wat julle aan die luisteraar gee of doen
Weet net hierdie 98.1 klankgolf is een uit ‘n miljoen
Om te bekragtig
Op te voed
Te vermaak
En in te lig
Hou so aan Radio Nfm98.1 Die betroubare stem van die Namakwa mense
