Woensdag, 14 Desember 2022, het 2 940 nuwe polisiekonstabels geslaag nadat hulle hul basiese polisie-ontwikkelingsopleidingsprogram suksesvol voltooi het.
Die Suid Afrikaanse Polisiediens-opleidingsakademies regoor die land het uitpasseringsparades vir die 10 000 nuut opgeleide polisiebeamptes aangebied wat oor drie dae plaasgevind het, wat op 13 Desember begin het en op 15 Desember 2022 geëindig het.
Die Minister van Polisie, Generaal Bheki Cele, was die funksionaris vergesel deur die Nasionale Kommissaris, Generaal Fanie Masemola en die Provinsiale Kommissaris, Luitenant Generaal Koliswa Otola wat onderskeidelik die verwelkomings- en dankbetuigings gelewer het.
Die premier van die Noord-Kaap, dr. Zamani Saul, die LUR vir vervoer, veiligheid en skakeling, me. Nomandla Bloem, Senior SAPD-bestuur op nasionale en provinsiale vlak, asook ander eksterne belanghebbendes, was teenwoordig.
“Generaal Cele het in sy hooftoespraak aangedui dat ‘n baanbrekende 9 203 nuut opgeleide polisiekonstabels die 9 maande intensiewe opleidingsprogram by verskeie polisieopleidingsakademies regoor die land, insluitend die SANW-opleidingsfasiliteit in die Noord-Kaap, suksesvol voltooi het,”het Brigadier Mashay Gamieldien gesê.
Generaal Masemola het in sy verwelkomingstoespraak gesê dat alle leerlinge georiënteerd was op die SAPD in die algemeen, en deur die SAPD se Gedragskode geneem is, wat professionele en etiese gedrag dek.
Hulle het ook streng opleiding in Regte ondergaan met die fokus op die Strafproseswet en ander verwante wetgewing binne die polisiëringskonteks.
Hy het ook die groep 2 940 nuut opgeleide konstabels wat by verskeie stasies en eenhede regoor die land geplaas gaan word, verwelkom en gelukgewens.
Gamieldien het gesê dat hierdie nuwe 10 000 kadette die polisie se vermoëns sal versterk, veral nou gedurende hierdie feesseisoen en met meer stewels op die grond om polisiesigbaarheid te verbeter.
