Operasie Shanela gaan voort om misdaad in die provinsie te hok te slaan en het gelei tot ‘n menigte suksesse wat behaal is tydens ontwrigtende aksies wat tussen 09 en 15 September 2024 deur die hele Noord-Kaap uitgevoer is.
Die aksies het gefokus op prioriteitsmisdade, insluitend dwelms, onwettige vuurwapens, kontakmisdade, trio-misdade en verswarende roof.
Die aksies het ook meer stewels op die grond gesien met verskerpte blouligpatrollies in brandpuntgebiede.
“Multi-dissiplinêre spanne in al vyf distrikte naamlik Namaqua, Frances Baard, Pixley Ka- Seme, ZF Mgcawu en John Taolo Gaetsewe (JTG) het 231 verdagtes aangekeer en gearresteer vir misdade wat wissel van die onwettige besit van vuurwapens, handel in dwelms, onwettige handel in drank, roof, moord, poging tot moord, verkragting, aanranding en huisbraak,” het Luitenant Kolonel Sergio Kock gesê.
In een van die aksies op 15 September 2024 het lede van Kuruman Openbare Orde Polisiëringseenheid toegeslaan op ‘n 35-jarige man by sy huis in Gantelang Village in Kuruman, nadat hulle twee ongelisensieerde 9 mm-vuurwapens met ammunisie in sy besit gevind het.
Speurders in die provinsie het 316 gesoekte verdagtes opgespoor en gearresteer vir ernstige misdade, insluitend sakeroof, moord, verkragting en aanranding (geslagsgebaseerder geweld).
Die spanne wat deursoek is by geïdentifiseerde persele, stop- en deursoekings, hoësigbaarheidspatrollies, nakomingsinspeksies, padblokkades en voertuigkontrolepunte.
Altesaam 6 790 persone en 3 720 voertuie is voorgekeer en deursoek.
Verskeie ongelisensieerde drankwinkels is gesluit, en ‘n aansienlike hoeveelheid alkohol is gekonfiskeer.
Daar is tydens die aksies beslag gelê op ‘n aansienlike hoeveelheid dwelms, vervalste goedere en gevaarlike wapens.
“Deur Operasie Shanela kom ons ons Grondwetlike verpligting na om alle inwoners in die Noord-Kaap veilig te hou en ons sal voortgaan om sonder vrees, guns en vooroordeel op te tree om ons visie te verwesenlik.”
Ons gaan voort om die behoeftes van ons gemeenskappe in die middel te plaas en hul vertroue in SAPD te herstel.
